PNV EAJ ZARAUTZ

Erantzuna Bilduren balantzeari

Orain gutxi komunikabideen bitartez jakinarazitakoaren arabera, Bilduren Udal Gobernuak zenbait neurri hartu nahi ditu herrian aparkaleku faltari aurre egiteko asmoz. Lapurdi kalean norabide bakarra ezartzea da horietako bat, horrekin 160 aparkaleku lortuko liratekeela argudiatuta.

EAJren zinegotzi taldetik, ordea, zalantzak ditugu neurri horrek izan ditzakeen zenbait ondorioren gainean. Gai honen inguruan gure jarrera finkatu aurretik, Lapurdi kaleko bizilagunen ikuspegia jaso nahi dugu. Beraz, gustura hartuko ditugu zuen ekarpenak, iritziak eta iradokizunak, eaj-pnv@zarautz.org helbidean edo Udaleko gure bulegoan -Zigordia 13-.

Mezu honi atxikita planoa ikus dezakezue, xehetasun gehiagorekin. Eskerrik asko aldez aurretik.

Udalbatzarrak aho batez onartu zuen espazio hauetan segurtasuna bermatuko duen araudia eskatuz jeltzaleek aurkeztutako mozioa

EAJk mozioa aurkeztu zuen atzoko Osoko Bilkuran gazte eta nerabeen lolakak erregulatzea eskatuz, haien segurtasuna bermatu ahal izateko. Jeltzaleen mozioa alderdi politikoen aldeko botoarekin atera zen aurreram aho batez. Hala, Udalbatzak konpromisoa hartu du espazio hauek behar bezala arautzeko tokian-tokiko araudia onartuz, Euskal Herriko beste hainbat herri eta hiritan egin den moduan. (dena irakurri-leer todo…)

Gipuzkoako Foru Aldundiari Irita (Zarautz) eta Estubegiko (Hernani) industriaguneak bultzatzeko eskatzen zion ebazpen proposamenaren aurka bozkatu zuen koalizioak

Zarauzko EAJko ordezkariak kezkaturik agertu dira, Bilduk Irita (Zarautz) eta Estubegiko (Hernani) etorkizuneko industriaguneak bultzatzeko eskatzen zuen ebazpen proposamenaren aurka bozkatu duelako berriki. EAJk aurkeztu zuen proposamen hori Batzar Nagusietan, Gipuzkoako Foru Aldundiari eskatuz bi proiektuok babesteko eta “Lurraren Estrategia-Funtsaren bidez (FES), baliabideak jartzeko”. Eusko Jaurlaritzak bi poligonoak eraikitzeko aurreikusitako inbertsioak geldiaraziko zituela iragarri eta gero aurkeztu zuten dokumentua jeltzaleek. (dena irakurri-leer todo…)

Imanol Lasak adierazi duenez, “proiektua negoziazioetan mahai gainean egotea ziurtatuko dugu”

EAJk iragarri du emendakina aurkeztuko duela Gipuzkoako Foru Aldundiak 2012ko aurrekontuetan Zarauzko saihesbidea egiteko lanak aintzat har ditzan. Bildu buru duen Foru Gobernuak proiektua geldiaraziko zuela jakinarazi zuen abuztuan, eta ondoren, joan den hilabete bukaeran, obra esleitzeari uko egin zion, dagoeneko fase horretan zegoen arren eta lanen hasiera garai honetarako aurreikusita egon arren. “Orduan oso kritikoak izan ginen erabaki honekin, baina ez diogu uko egiten proiektuari, eta 2012ko aurrekontuen negoziazioetan mahai gainean egotea ziurtatuko dugu lehentasun gisa, Iritako enpresa-gunearekin batera”, azaldu du Imanol Lasak. (dena irakurri-leer todo…)